Një festë për ditëlindjen e 23-të të Otavio-s është kthyer në skandal të madh për klubin e Portos. Në qendër të polemikave është edhe Tiago Djalò, në pronësi të Juventusit, i cili ka marrë masë disiplinore nga klubi për pjesëmarrje në këtë festë pa leje. Por situata u përkeqësua ndjeshëm kur në mesnatë ndërhyri policia, duke ndërprerë gjithçka.

Sipas raportimeve të “O Jogo”, festa filloi në orën 20:00 në një lokal të njohur në zonën e Boavistës dhe zgjati deri në orën 04:00 të mëngjesit, mes alkoolit, femrave dhe muzikës. Në rrjetet sociale qarkullojnë shumë video ku lojtarët shihen duke festuar, në kundërshtim me rregulloren e brendshme të klubit.

Përveç Djalò-s dhe Otavio-s, të përfshirë në këtë ngjarje ishin edhe Danny Namaso, William Gomes, si dhe Martim Fernandes e Nehuen Perez, të cilët u larguan më herët. Tifozët janë rebeluar, duke shkuar në stadium për të ofenduar lojtarët, ndërsa ndërhyrja e policisë i detyroi të largoheshin me shpejtësi me makina, moment që është filmuar gjithashtu.

Situata në klub nuk është e mirë, me Porton në vendin e katërt, ndaj sjellja e lojtarëve i ka zemëruar rëndë tifozët, që kërkojnë disiplinë dhe përkushtim në një periudhë kaq delikate të sezonit.

Pelo menos Tiago Djaló e William Gomes ficaram na festa de Otávio até às quatro da manhã. Samu, entre outros, já estava em casa antes do horário limite definido no regulamento interno, adianta @ojogo. pic.twitter.com/qWnOR6Bd46

— Daily Dragões (@dailydragoes) April 21, 2025