Një situatë e pazakontë dhe shqetësuese është regjistruar ditën e sotme në varrezat e Sharrës, ku një sasi e madhe uji ka përmbytur një pjesë të hapësirës përreth varreve.
Qytetarët kanë raportuar këtë incident por nuk dinë të thonë nëse bëhet fjalë një shpërthim të një tubacioni uji të pijshëm apo për ujëra të zeza.
Pamjet nga vendngjarja tregojnë varrezat e mbuluara nga uji duke e bërë të pamundur kalimin për vizitorët.
Këta të fundit kanë ngritur shqetësimin për ndotje dhe mungesë respekti ndaj varrezave, duke kërkuar reagim të menjëhershëm nga institucionet përgjegjëse.
Ekipet e ndërhyrjes emergjente duhet të dalin në terren për të identifikuar burimin e ujit dhe të zgjidhin këtë incident.
