UROJME BESIMTARËT E KRISHTERË GËZUAR PASHKËT!

Tirana dhe qytetet e tjera të Shqipërisë janë mbushur këtë fundjavë me Frymën e Shenjtë të Pashkëve, ndërsa besimtarët e krishterë nga të gjitha besimet janë mbledhur në kishat e vendit për të festuar ngjarjen më të rëndësishme të kalendarit liturgjik, Ngjalljen e Krishtit.

Këtë vit, katolikët dhe orthodoksët kremtojnë së bashku Pashkët në të njëjtën ditë, një ngjarje e rrallë që simbolizon unitetin dhe shpresën për të gjithë të krishterët. Në kryeqytet, qindra besimtarë janë mbledhur në Kishën Orthodokse “Ngjallja e Krishtit” dhe në Katedralen Katolike “Shën Pali”, ku janë zhvilluar meshat solemne të natës së Pashkës.

“Krishti u Ngjall!” – një mesazh që kumbon në çdo cep të botës

Në Katedralen e Shën Palit, Imzot Arjan Dodaj drejtoi meshën me një mesazh të fuqishëm shpirtëror. Ai theksoi se kjo vigjilje nuk është thjesht një rit, por një moment i thellë reflektimi dhe bashkimi me misterin hyjnor. “Kjo natë është lutje pranë Varrit të Krishtit, një dëshmi e besimit tonë se druri i kryqit është ai nga i cili varet fati i botës,” u shpreh ai.

Imzot Dodaj gjithashtu vuri në dukje se kjo meshë po këndohet në të gjitha anët e botës, duke lidhur shpirtërisht të gjithë besimtarët në një përvojë të përbashkët shprese dhe ringjalljeje.

May be an image of 1 person, the Basilica of the National Shrine of the Immaculate Conception, crowd and text

Në Kishën Orthodokse “Ngjallja e Krishtit”, ceremonia kulmoi me ndezjen e qirinjve, një traditë e dashur që simbolizon dritën e Krishtit të Ringjallur. Flaka që kalon nga një besimtar te tjetri mbart mesazhin e shpresës dhe të jetës së re.

Në një mesazh drejtuar besimtarëve ortodoksë dhe gjithë popullit shpresëtarë Kryepeshkopi Joan tha se “Pashka është përkujtimi i Ngjalljes së Zotit Jisu Krisht dhe e vërteta themelore e besimit dhe e jetës sonë. Nëse nuk do të kishte pasur Ngjallje, nëse nuk do të ishte mundur vdekja, atëherë predikimi dhe besimi ynë i krishterë do të ishte i kotë, thekson apostulli i madh, sepse vetëm nëpërmjet Ngjalljes së Zotit, natyra jonë njerëzore mori rëndësinë dhe kuptimin e saj të vërtetë”.

Kryepeshkopi Joan përkujtoi edhe Kryepeshkopin Anastas, i cili u nda nga jeta në janar të këtij viti.

“Këtë Pashkë ne nuk e kemi mes nesh Kryepiskopin tonë të dashur Anastas. Por zemrat tona ngushëllohen duke ditur se ai tani ndërmjetëson për ne pranë Zotit, sepse Perëndia nuk është Perëndi i të vdekurve, por i të gjallëve. Besojmë se vdekja nuk është fundi, por fillimi i një jete të re në Perëndinë. Në shpresofshim në Krishtin vetëm në këtë jetë, jemi më të mjerët e gjithë njerëzve”, tha Imzot Joani.

May be an image of 2 people and crowd

“Ngjallja e Krishtit na forcon dhe na jep të gjithëve besim, na jep jetë prej Jetës së Tij, një jetë e shenjtë, një jetë që mposht edhe vetë vdekjen, një jetë pa mbarim, ku pushteti tokësor i vdekjes nuk ka më fuqi”.

UROJME BESIMTARËT E KRISHTERË GËZUAR PASHKËT!