Deputetja e Partisë së Lirisë, Monika Kryemadhi feston sot ditëlindjen dhe mbush 51 vjeç, pavarësisht se për politikanen, vitet janë thjesht numra. Por ndryshe nga herët e tjera, kjo ditëlindje e gjeti Kryemadhin në Tashkent të Uzbekistanit në Sesionin Plenar të Asamblesë Parlamentare të Unionit Ndërparlamentar. Përmes një videomesazhi ajo falenderon të gjithë miqtë, kolegët të cilët e uruan në këtë 51 vjetor.

“Të dashur miq ju falenderoj shumë për urimet dhe ju jam shumë mirënjohës në të gjithë rrugëtimin tim të politikës të miqësisë dhe të asaj që ju e keni bërë të bukur. Jeta ime në këto 51 vjet ka qenë si kjo ujëvarë e rrëmbyer, e fortë e freskët por edhe e pastër, prandaj joi pa qëllim që sot dua tju falenderoj me këtë video”, dëgjohet të thotë Kryemadhi.

Ndërkaq, një falenderim special deputetja e ka pikërisht për tre fëmijët e saj, Borën, Besartin dhe Erën.

“Faleminderit Bora, Besar, Era që gjithmonë më ngrohni zemrën me mesazhet tuaja por dhe gjithmonë më sillni jo vetëm buzëqeshjen por gjithësinë e mirësisë në botë”, thotë deputetja e PL.