Një efektiv i Policisë së Kosovës ka humbur jetën pasi u qëllua me armë z jarri teksa po hynte në banesën e tij, në rrugën “Idriz Seferi” në Kaçanik, pak para mesnate. Sipas Policisë, ngjarja ndodhi më 01.04.2025, rreth orës 23:00, dhe viktima është oficeri i policisë, Muhamed Lika.

Për fat të keq, ai nuk mundi të mbijetonte pas plagëve të marra. Policia ka njoftuar se autori është ende në kërkim, ndërsa grupi hetimor është angazhuar për zbardhjen e ngjarjes dhe identifikimin e autorit. Ndërkohë, ende nuk ka informacione mbi motivet e mundshme të këtij krimi.

Njoftimi i Policisë:

Më 01.04.2025, rreth orës 23:00, Policia ka pranuar informacionin se një person është plagosur dhe ndodhet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës, Muhamed Lika. Grupi hetimor po vijon me hetimet për zbardhjen e ngjarjes, ndërkohë që ende nuk ka informacione lidhur me të dyshuarit ose motivet e mundshme të këtij akti kriminal.