Muhamer Pajaziti

Mësuesit shqiptarë të zonave të thella malore shpërblehen me nga 10 mijë euro dhe nga një orë 5 mijë frangash

Prindërit e fëmijëve, banorët e fshatrave dhe mërgimtarët kanë bërë një vepër madhore, duke shpërblyer heronjtë e heshtur- mësuesit e shkollave të zonave malore në Maqedoninë e Veriut (fshatra malor te Shkupit dhe Kumanoves).

Ky kontribun vjen si mirënjohje për sakrificën e tyre në misionin për ti dhënë dritën e syve dhe të mendjes fëmijëve të këtyre zonave të harruara, larg zhurmave të metroproleve.

Këta mësues për të shkuar në punë, sidomos gjatë stinës së dimrit kalojnë lumenjë, rrugë të vështira dhe rreziqet nga orteqet e borës.

Të vetëdijshëm për rëndësinë e punës së tyre në edukimin e brezave të rinjë, ata nuk i ndalë as stuhia e acari.

I mbushin çantat me ushqim, konzerva, pije dhe një grusht shkumësash të bardhë me një qese. Do të ishte një storje e bukur sikur mos të ishte 1 prilli, dita e gënjeshtrave. E vërteta është e hidhur, ne si popull, në masë të madhe nuk e çmojmë arsimin dhe dijen, ndonëse më të afërtë edhe ndaj Zotit, janë ata që shpërndajnë dije dhe dituri.

Si rezultat, pa një vetëdijësim, e ardhmja jonë nuk është fort e sigurtë! Respekte për mësuesit tanë nga Jabollçishta, Gushinca, Breza e rajone tjera (fshatra malor te Shkupit dhe Kumanoves).