abai i 17-vjeçarit i cili mbeti i plagosur një ditë më parë në Sarandë ka dhënë detaje për ngjarjen.

Prej ditës së djeshme, 17-vjeçari po merr ndihmë mjekësore në Spitalin Rajonal të Vlorës.

Gjendja e tij shëndetësore është jashtë rrezikut për jetën, pasi thika nuk ka prekur organet jetësore.

I riu është goditur tri herë me thikë, në stomak dhe në këmbë.

Babai i të plagosurit rrëfen se konflikti ka nisur më herët, më 22 mars, kur djali i tij është goditur disa herë me levë nga të njëjtët persona. Megjithatë, nga frika e kërcënimeve, ai u kishte thënë familjarëve dhe policisë se ishte rrëzuar nga shkallët.

Sipas babait, ditën e djeshme, më 27 mars, djali i tij është sulmuar sërish nga të njëjtët agresorë, duke u goditur kësaj here me thikë. Ai kërkon nga policia e Sarandës të arrestojë të gjithë personat e përfshirë në këtë ngjarje të rëndë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.