Specialistet e Bashkisë/ Si e ktheu Veliaj institucionin në “folenë” e mikeshave VIP

Bashkia e Tiranës, nën drejtimin e Erion Veliajt, u shndërrua në një vend punësimi për personazhe të njohura të ekranit dhe botës së spektaklit, të cilat përveç pagave të majme, siguruan edhe përfitime të tjera në këmbim të promovimit publik të ish-kryebashkiakut.

Me gjasë, Danja, banorja e Big Brother, ende nuk e di që shefi i saj ka hyrë në burg. Ajo ka mbi 2 muaj e izoluar dhe prandaj ashtu me naivitet tregoi disa ditë më parë se punon në bashki. As më shumë e as më pak, sesa “specialiste”.

“Unë jam në zyrë, punoj në zyrë. Jam specialiste te Bashkia e Tiranës”-tha Danja duke i habitur banorët që deri në atë moment e dinin se ishte vetëm një modele.

Por Danja nuk është e vetmja.

Deborah Keçi, Eneda Tarifa dhe emra të tjerë janë disa nga figurat që kanë përfituar pozicione të rëndësishme në bashki, megjithëse aftësitë dhe përvoja e tyre profesionale nuk ishin të lidhura drejtpërdrejt me administratën publike apo menaxhimin e qytetit.

Deborah Keçi, sportistja e njohur, ishte emëruar nga Veliaj si drejtoresha e Klubit shumësportësh Tirana. Ajo u pezullua nga detyra pasi u vendos në hetim nga SPAK për shpërdorim detyre.

Keçi ishte pjesë e grupit të zyrtarëve dhe ish-zyrtarëve të Bashkisë së Tiranës të akuzuar nga Prokuroria e Posaçme për abuzim me tenderat dhe favorizim të kompanisë “5D” në pronësi të Mariglen Qatos dhe Redi Mollajt.

Eneda Tarifa përtej këngës ka patur edhe një tjetër talent. Atë të këshillimit të kryetarit të saj, Erion Veliaj, për të cilin ajo qe shprehur që “vetëm 1 Erion bën nëna”. Ajo u zbulua se merrte rrogë nga bashkia në vitin 2021, kur shpërthyen në publik listat me të dhënat personale dhe paga.

Por Tarifa nuk ishte e vetme. Asokohe rezultonte se këshilltarët e Veliajt ishin një ish-basketbollist, një piktor, dy gazetarë, tre artistë, një këngëtare, një këshilltar që ka studiuar për filma, një mjek, një analist filmash dhe një arkitekt dhe një shkrimtare.

Po ashtu bëhet fjalë dhe për një ish-miss të njohur, por dhe një avokate. Kjo e fundit e njohur dikur si zyrtare e partisë së Spartak Ngjelës por eshe për fotot provokuese të dala në rrjetet sociale.

Bashkia si “strehë e ngrohtë” për miqësitë e pushtetit

Gjatë viteve të drejtimit të Erion Veliajt, Bashkia e Tiranës është shndërruar në një rrjet klientelist ku përzgjedhja e stafit nuk bazohej tek profesionalizmi, por tek lidhjet personale dhe ndikimi publik i individëve të caktuar.

Në vend që të fokusohej tek ekspertiza dhe aftësia për të përmirësuar shërbimet për qytetarët, Veliaj përdori institucionin për të forcuar imazhin e tij, duke angazhuar në bashki figura publike që i siguronin promovim të vazhdueshëm mediatik.
Paga të majme për “promovueset” e Veliajt

Të dhënat e publikuara nga investigimet mediatike tregojnë se këto figura, ndonëse nuk kishin përvojë të drejtpërdrejtë në administratë, merrnin paga të majme dhe përfitime të tjera, duke krijuar një sistem të qartë patronazhi politik e personal.
Ndërkohë, qindra profesionistë të kualifikuar mbetën jashtë sistemit, pasi vendet e punës u mbushën nga individë që kishin më shumë vlerë për Veliajn në aspektin e marketingut politik sesa në aftësitë profesionale.

Tani që Veliaj ndodhet pas hekurave, lind pyetja: Sa prej këtyre ‘specialisteve’ VIP do të mbeten në administratë, dhe sa prej tyre do të largohen? A do të arrijnë të përshtaten me kryetarin e ri , Edi Ramën?

Deri atëherë, qytetarët e Tiranës mbeten dëshmitarë të një skeme klienteliste që ka kushtuar miliona lekë nga taksat e tyre, pa ndonjë përfitim konkret për shërbimet publike të kryeqytetit./ Dosja.al

Related Posts

“Erdhi nga rehabilitimi duke na u lutur…”/ Producentja e BBVIP i nxjerr sekretet Gjestit pas lojës në Kosovë!

Producentja e Big Brother VIP Kosova 3, Olsa Muhameti, ka folur për largimin e Gjestit nga ky format dhe kalimin në atë të Shqipërisë. Po ashtu theksoi…

Olsa Muhameti zbulon fitimet ‘e çmendura’ të Big Brother përmes televotimeve!

Olsa Muhameti ka qenë producente e edicionit të tretë të Big Brother VIP Kosova. Ajo erdhi për herë të parë për të punuar në një projekt në…

I shpëtoi goja/ Laerti nxjerrë sheshit sekretin e madh të produksionit, kamerat largohen menjëherë nga ai

Laert Vasili është njëri nga banoret e ‘Big Brother VIP Albania’ i cili nga raporti me Valbonën ka rrëmbyer vëmendjen e shumë ndjekësve. Ai në një bisedë…

Horoskopi ditor, 18 Mars 2025

Dashi Do ketë shume turbullira sot ne jetën tuaj ne çift dhe asgjë nuk do shkoje ashtu si e kishit menduar. Mundohuni te ndryshoni sjellje dhe t’i…

Gruaja humbi 45 kilogram brenda 11 muajsh dhe tregon sekretin e humbjes se pëshës

Nje grua eshte shume e lumtur pasi ka humbur 45 kilogram dhe jeta e saj ka ndryshuar. Ajo ka treguar se si jeta e saj ndryshoi per…

TR*NDITET FUTBOLLI/ Humb betejën me sëmundjen e rëndë, ish-futbollisti ndërron jetë në moshë fare të re

Ish-futbollisti italian, Luka Lodeti është ndarë nga jeta në moshën 35-vjeçare pas një betejë të gjatë me një sëmundjeje të rëndë që prej shkurtit të vitit të…