Vëllai 3-vjeçar humbi jetën disa ditë më parë! 7-vjeçarja e helmuar nga ilaçi i minjve i shpëton vdekjes, e mitura do të kthehet në shtëpi

Vajza 7-vjeçare nga Shkodra e helmuar nga ilaçi i minjve ka arritur që t’i shpëtojë vdekjes.

Pas 10 ditësh në terapi intensive ne Reanimacionin e Pediatrisë në QSUT mjekët ia kanë dalë ta mbajnë në jetë duke bërë që e mitura ta kalojë gjendjen e rëndë shëndetësore.

Pas trajtimeve dhe kujdesit intensiv në këtë shërbim e mitura e ka kaluar rrezikun për jetën. Burime nga stafi I mjekëve bëjnë të ditur se vajza tashmë ndodhet në gjendje të mirë shëndetësore dhe pritet të lërë spitalin për t`u kthyer në shtëpi.

Ditë më parë vajza humbi vëllain e saj 3-vjeçar i cili nuk mundi t’i mbijetonte intoksikacionit të fortë nga ilaçi i minjve që prindërit kishin përdorur për të spërkatur një mjedis pranë shtëpisë.

Ndërkohë mësohet se 7-vjeçarja sapo është bërë me një motër. Disa ditë pas tragjedisë, nëna e saj ka sjellë në jetë fëmijën e tretë e cila është vajzë.

Prokuroria e Shkodrës ka nisur një hetim pas humbjes së jetës të 3 vjeçarit duke regjistruar një procedim penal. Hetimi përfshin marrjen në pyetje të mjekëve nëse janë respektuar protokollet mjekësore si dhe të familjarëve të 3 vjeçarit që ndërroi jetë.

Zyrtarisht shkaku i vdekjes së 3 vjeçarit nuk është bërë ende i ditur edhe pse është bërë analiza toksikologjike.

Reagimi zyrtari i policisë për ngjarjen

Në lidhje me këtë ngjarje, Policia bën me dije se të premten (21 shkurt) dy fëmijët janë dërguar në spital nga babai i tyre, me dyshime për viroza të stinë. Pas mjekimit ata janë larguar në banesë.

Por për shkak se gjendja e tyre ishte rënduar, një ditë më vonë, babai i kishte dërguar sërish në spital, por fatkeqësisht 3-vjeçari kishte humbur jetën. Ndërsa 7-vjeçarja u dërgua në QSUT, për mjekim të specializuar.

Në drejtimin e Prokurorisë vijojnë hetimet për përcaktimin e shkakut të humbjes së jetës së 3-vjeçarit.

“Më datë 21.02.2025, shtetasi S. H. ka dërguar për mjekim në Repartin e Pediatrisë në Spitalin Rajonal Shkodër, 2 fëmijët e tij, vajzën 7 vjeçe dhe djalin 3 vjeç, të dyshuar me virozë stine. Pas mjekimit, shtetasi S. H. dhe 2 fëmijët janë larguar në banesë.

Për shkak të rëndimit në gjendjes shëndetësore të fëmijëve, në banesë, më datë 22.02.2025, shtetasi S. H. i ka dërguar përsëri 2 fëmijët për mjekim në Repartin e Pedriatrisë në Spitalin Rajonal Shkodër.

Pavarësisht ndihmës mjekësore, 3-vjeçari ka humbur jetën, ndërsa 7-vjeçarja u dërgua në QSUT, për mjekim të specializuar.

Në drejtimin e Prokurorisë vijojnë hetimet për përcaktimin e shkakut të humbjes së jetës së 3-vjeçarit“, njofton policia.

Por çfarë deklaron spitali i Shkodrës

Sipas Spitalit Rajonal Shkodër prindërit e dërguan djalin e mitur në spital ditën e premte. Familjarëve u është kërkuar që fëmija të lihet në observacion. Por, prindërit kanë firmosur për ta nxjerrë e për ta çuar në shtëpi. Spitali pretendon se janë ndjekur të gjitha protokollet.

Të nesërmen, prindërit e kane sjellë sërish fëmijen ne gjendje shumë të rëndë dhe është dërguar menjëherë në reanimacion, ku ka ndërruar jetë.

Burime pranë spitalit rajonal të Shkodrës bëjnë me dije se fëmija 3-vjeçar u paraqit ditën e shtunë rreth orës 10:00 të paradites në gjëndje të rënduar shëndetësore me insuficensë kardiake( puls të ulët, shenja jetësore shumë të ulta, ndërsa 10 minuta pasi ka mbërritur ne spital ka ndërruar jetë.

Pas rreth 20-30 minutash ka mbërritur dhe motra e tij në spitalin e Shkodrës me të njëjtat simptoma dhe i është dhënë ndihma e parë dhe është dërguar menjëhere në QSUT ku ndodhet në gjendje kritike për jetën.

Nuk dihet gjëndja shëndetsore e nënës së dy fëmijëve që është 37 javëshe shtatzënë por nuk është paraqitur në spitalin e Shkodrës.

Related Posts

Nuk jua ka fajin Shqipëria, por jemi ne shqiptarët që ua fusim njëri-tjetrit dhe të shesim për interes

Nga Anisa Bega Mirë se erdhe në vendin tonë të bukur, Shqipërinë ku të gjithë ankohen, qajnë, ulërasin, ia fusin njëri-tjetrit duke i qeshur në fytyrë, viktimizohen…

E FUNDIT: Familjarët e Gjestit reagojnë ashpër ndaj Eglit

Rikthimi i Eglit në shtëpinë e “Big Brother Vip” duket se ka shkaktuar pakënaqësi tek shumë nga ndjekësit e formatit, përfshirë këtu edhe familjarët e Gjestit. Në…

“Nuk ikën dashuria për 9 ditë”/ Rozana për raportin Egli-Gjesti: Kush e di ça pret publiku…

Dita e sotme ka qenë mjaft e qetë në shtëpinë e “Big Brother VIP 4”, me biseda dhe thashetheme të ndryshme. Rozana dhe Ola teksa ndodheshin të…

Kadastra shkarkon babain e 4 fëmijëve me dy prindër të moshuar dhe gruan e sëmurë me t*mor

Një rast i paprecedent ka ndodhur në Durrës, aty ku një qytetar në vështirësi të madhe ekonomike është shkarkuar nga puna në Kadastrën e qytetit, dhe prej…

Ky shtet sjell reformat/ Nënat me dy ose më shumë fëmijë do të përjashtohen përgjithmonë nga tatimi mbi të ardhurat

Hungaria ka prezantuar sot një reformë gjithëpërfshirëse për të mbështetur nënat duke i përjashtuar ato kryesisht nga pagesa e tatimit mbi të ardhurat. “Hungaria po bën histori…

Olsa Muhameti plas deklarate “B0MBE”: Gjestit nuk do ja japi cmimin e madh Big Brother VIP Albania 4!

Producentja e ’’Big Brother VIP Kosova 3’’, Olsa Muhameti ka folur rreth ish-banorit të asaj shtëpie, Gjestin. Teksa ishte e ftuar në ‘Natën me Aulonën’, ajo u…