LONDËR- Një djalë 14-vjeçar ka humbur jetën pasditen e së martës pasi u godit me thikë në një autobus në Woolwich, në juglindje të Londrës. Lajmi e konfirmoi policia Metropolitane. Në një deklaratë të policisë thuhet se një hetim ka nisur pas goditjes me thikë fatale të një adoleshenti në një autobus pasditen e sotme.

Më tej bëhet me dije se policia u thirr në orën 14:28 të së martës pas raportimeve për një goditje me thikë në një autobus në Woolwich, SE18. 14-vjeçari mori ndihmën e parë në vendngjarje por nga plagët e marra ai nuk arriti të mbijetonte.

“Incidenti ndodhi në një autobus të Route 472 në Woolwich Church Road pranë kryqëzimit me Rrugën Rrethore Jugore A205,” tha policia.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.