Mund të mendoni se keni marrë mjaftueshëm proteina duke konsumuar një protein shake çdo mëngjes dhe duke ngrënë mish pule me oriz, por Dr. Nick Norwitz, një nutricionist dhe YouTuber, bëri diçka ekstreme duke konsumuar 24 vezë në ditë për një muaj të tërë.
Në kanalin e tij në YouTube, ai ndau këtë eksperiment të pazakontë dhe tregoi rezultatet që e surprizuan.
Ai shpjegoi se 720 vezët përmbanin rreth 133,200 mg kolesterol, por mendonte se kjo sasi e madhe nuk do të rriste kolesterolin e tij, veçanërisht atë të llojit LDL, i cili sipas Qendrës për Kontrollin dhe Parandalimin e Sëmundjeve (CDC) ndonjëherë quhet “kolesteroli i keq”. Ai përbën shumicën e kolesterolit të trupit tuaj. Nivelet e larta të kolesterolit LDL rrisin rrezikun për sëmundje të zemrës dhe goditje në tru.
Por rezultatet nga konsumimi i 720 vezëve në trupin e Norwitz, pavarësisht nivelit të lartë të kolesterolit, janë befasuese.
Rezultatet në mënyrë surprizuese, pavarësisht se hëngri afërsisht 1,000 vezë në vetëm 30 ditë, kolesteroli i Norwitz nuk u rrit.
“Edhe pse marrja ime ditore e kolesterolit u rrit më shumë se 20-fish, kolesteroli im LDL ra me dy për qind gjatë dy javëve të para,” shpjegon ai.
Dhe kjo nuk është e gjitha, nivelet e kolesterolit LDL të Norwitz ranë edhe më shumë, me një përqindje mbresëlënëse prej 18 për qind gjatë dy javëve të fundit të eksperimentit të tij.
“Në thelb, kur konsumon kolesterol, ai lidhet me receptorët në qelizat e zorrëve dhe kjo stimulon çlirimin e një hormoni të quajtur chisin, i cili pengon sintezën e kolesterolit në mëlçi, kështu që balanca ruhet,” shpjegon nutricionisti.
Për ta thjeshtuar dhe më tej: kur Norwitz shtoi më shumë karbohidrate në dietën e tij gjatë dy javëve të fundit, ndodhi një ekuilibër që ndihmoi në uljen e niveleve të kolesterolit LDL, kjo gjithashtu edhe falë ndihmës së konsumimit të frutave.