Një aksident rrugor ka ndodhur pak minuta më parë në Petovë të Fierit, ku dy automjete janë përplasur me njëra-tjetrën.

Si pasojë e përplasjes së fortë, të dy drejtuesit e mjeteve kanë mbetur të lënduar.

Policia dhe ambulanca kanë mbërritur menjëherë në vendngjarje, duke transportuar të plagosurit me urgjencë drejt Spitalit Rajonal Fier.

Ndërkohë, grupi hetimor ndodhet në vendngjarje dhe po kryen veprimet procedurale për të zbardhur shkaqet dhe dinamikën e aksidentit.