Një qytetar nga Durrësi ka denoncuar një rast të pazakontë vjedhjeje në redaksinë e JOQ Albania, duke akuzuar ish-bashkëshorten e tij, Elda Bushpepa, për hyrje të paligjshme në banesën e tij dhe vjedhje të sendeve me vlerë, si dhe një shume eurosh.

Sipas denoncuesit, Elda ka braktisur dy fëmijët e tyre prej tre vitesh, por së fundmi është futur natën në shtëpinë e tij, duke marrë bizhuteri dhe para, të cilat ishin lënë nga ai për fëmijët.

Pavarësisht se ka shkuar tre herë në Policinë e Durrësit për të denoncuar rastin, ai pretendon se nuk ka marrë asnjë ndihmë. Sipas tij, policia e ka refuzuar denoncimin me arsyetimin se nuk kanë psikolog.

I zhgënjyer nga institucionet, qytetari kërkon që rasti të bëhet publik, duke e cilësuar veprimin e ish-bashkëshortes si të turpshëm dhe të padrejtë ndaj fëmijëve të tyre.

Mesazhi i qytetarit:

“Përshëndetje jeta qef. Un jam një banor i Durrësit dhe ish bashkëshortja ime pasi braktisi dy femit e mi prej 3 vitesh, ajo ka shkua ne banesën t’ime dhe ka hapur derën dhe ka vjedhur disa bizhuteri dhe euro që i kisha lan për ushqime për femit. Po ajo hyn naten i grabiti femit kam shkua 3 her në polici të Durrësit dhe policija ju thot nuk kemi psikolog. Un dua t’a denancoj të jeta qef ket ngjarje të turpshme për një nan si ajo Elda Bushpepa”.