U dashurua me studenten e tij, Timo Flloko rrëfen historinë e dashurisë me Vera Grabockën

Aktori i njohur Timo Flloko ka rrëfyer se si është njohur me bashkëshorten e tij, producenten dhe regjisoren, Vera Grabocka.

“Rastësia”, tregoi ai, teksa rrëfeu se ishin fare të rinj kur fati i bëri së bashku në një shkollë. Timo Flloko ishte profesori, ndërsa Vera Grabocka studentja e tij.

“Nëse s’do të isha emëruar në Tiranë, se mund të ndodhte që të emërohesha në Vlorë, nuk do ta kisha njohur këtë vajzë të re, apo zonjë sot. Se e njoha e bankat e shkollës, ishte studentja ime”, rrëfeu aktori, i ftuar në emisionin “Opinion”.

Ai tregon se bashkëshortja e tij ishte e veçantë, edhe në atë kohë, në sjellje, energji dhe biseda.

“Vera ishte dashuri që aty ngeca, sepse unë besoj që nuk kam qenë djalë jo simpatik…”, u shpreh Timo Flloko, duke shtuar se tërheqja mes tyre ishte e dyanshme.

“Ndonjëherë më dukej më shpërfillëse Vera, sesa unë. Ngeca. Dhe sa mirë, sepse në jetë njeriu ka nevojë për një mbështetje. Vera ka qenë mbështetje siç mbështetet një trup tek një lis kur është i lodhur, ashtu jam mbështetur gjithë jetën”, thekson aktori.

Ai rrëfeu se Vera është kritikja e tij, e cila nuk gabon kurrë dhe gjithmonë ka të drejtë, duke shtuar se ka prirjen që të të çojë aty ku duhet.

“PR i saj në të folur është, në të folur nuk ia del, në të shkruar mund t’ia kaloj”, tregon Timo Flloko.

Pjesë nga intervista:

Blendi Fevziu: Si u njohe me Verën?

Timo Flloko: Fati… Ishim fare të rinj, unë e njoha në shkollë. Rastësia. Kjo duhet kuptuar që nëse unë nuk do të isha emëruar në Tiranë, se mund të ndodhte që të emërohesha në Vlorë, nuk do ta kisha njohur këtë vajzë të re, apo zonjë sot. Se e njoha e bankat e shkollës, ishte studentja ime. Ishte e veçantë edhe në atë kohë.

Blendi Fevziu: E veçantë në çfarë kuptimi?

Timo Flloko: E veçantë në dinamikë, në sjellje, në energji, në natyrë, në biseda.

Blendi Fevziu: Unë i kam thënë njëherë që me energjinë që ka mund të konkurronte 3 hidrocentralet që ka Shqipëria bashkë. Realisht. Po të ishte mundësi të tre hidrocentralet e mëdhenj që kemi..

Timo Flloko: Siç thotë dhe dhëndri im, nëse nuk do të ishte shpikur motori i Ferrarit, do ishte Vera. Vera ishte dashuri që aty ngeca, sepse unë besoj që nuk kam qenë djalë jo simpatik…

Blendi Fevziu: Ngece, apo s’të lëshoi Vera?

Timo Flloko: Jo, ishte e dyanshme tërheqja. Biles do të thoja që ndonjëherë më dukej më shpërfillëse Vera, sesa unë. Ngeca. Dhe sa mirë, sepse në jetë njeriu ka nevojë për një mbështetje. Vera ka qenë mbështetje siç mbështetet një trup tek një lis kur është i lodhur, ashtu jam mbështetur gjithë jetën.

Blendi Fevziu: Dy personazhe shumë të njohur, dy personazhe shumë ambiciozë, dy personazhe që janë pak a shumë në të njëjtën fushe..

Timo Flloko: Vera ka një ndryshim, Vera është fenomen.

Blendi Fevziu: Ishte i vështirë ky…

Timo Flloko: Ne komunikojmë në mënyrë si artistë sigurisht… Vera gjithmonë jep mendime për një gjë. Ka intuitë, ka shqisën e gjashtë.

Blendi Fevziu: Ka qenë Vera kritikja e parë e jotja në fakt, e filmave?

Timo Flloko: Sigurisht që po.

Blendi Fevziu: Ishin të qenësishme kritikat e saj.

Timo Flloko: Absolutisht që po, ajo ka ndjesi, ka nuhatje.

Blendi Fevziu: Po a shkon drejt një perfeksioni që shpeshherë bëhet i lodhshëm, sepse njeriu…

Timo Flloko: Ndonjëherë Vera ka prirjen që të të çojë aty ku duhet… Për shembull, duhet të shkosh tek Blendi më tha mua, po shiko të dukesh mirë, flokët, këto… dhe e kërkon formën, sepse është lloji i artit, është televizioni. Në thelb nuk gabon kurrë. PR i saj në të folur është, ti e di vetë e njeh, në të folur nuk ia del, në të shkruar mund t’ia kaloj.

Blendi Fevziu: Po e vendosi një gjë, ka vetëm një zgjidhje t’ia pranosh, ose zgjidhja tjetër është t’ia pranosh prapë. Nuk ka zgjidhje tjetër.

Timo Flloko: Ajo kurrë nuk gabon, gjithmonë del fjala e saj. Në terma afatgjatë, Vera ka të drejtë.

Related Posts

Pamjet ‘epike’ të Bashës, i përgjigjet Ramës duke kënduar me këngën e Unikatil: Ku i ke shokët?

Pas ironive të kryeministrit Edi Rama, Lulzim Basha nuk ka vonuar dhe i është përgjigjur me një video në rrjete sociale. Në makinë duke udhëtuar, me në…

H0RR0R/ Transportuan një F0SHNJE në një qese pIastike për ta shitur, arrestohen 4 persona

Një ngjarje e rëndë raportohet se ka ndodhur në Torino, ku një çift maroken u arrestua me akuzën se sollën në vend një vajzë të porsalindur dhe…

Aks*dent tragjik në afërsi të Shkodrës/ U përplas me makinën që po dilte nga servisi, humb j*tën 25-vjeçari!

Një aksident tragjik ka ndodhur para pak minutash në aksin Shkodër-Velipojë, në zonën e Bërdicës, ku një 25-vjeçar ka humbur jetën pasi motori me të cilin po…

Në krye të ekipit austriak / Mjeku shqiptar bën gjestin e madh, mori të rinjtë që u d’ogjën në disko për trajtim në Austri

Në emisionin Top Story të Grida Dumës në Top Channel mbrëmjen e djeshme, raportoi nga vendngjarja gazetari Eraldo Harlicaj i cili ka ndjekur hap pas hapi ngjarjen…

Pse po e mbron produksioni?/ Gjesti tregon hapur që i kanë dhënë urdhër të prerë që të mos e ngacmojë këtë banorë

Ditën e djeshme, gjatë një bisede në kuzhinë me Vserlon, Gjesti ka bërë një deklaratë që ka tërhequr vëmendjen e publikut. Ai është shprehur hapur, duke nxjerrë…

Menaxherja e Eglit thumbon Shqipen dhe Ronaldon, i thotë këto fjalë

Opinjonistët e Fun Club BBVA, Shqipe Hysenaj dhe Ronaldo Sharka kanë komentuar lojën e Eglit në emisionin e fundit. Siç duket opinjonet e tyre nuk i kanë…