Një incident i rrezikshëm është regjistruar në Tiranë, ku një depozitë uji ka rënë nga taraca e një pallati drejt trotuarit. Ngjarja ka ndodhur pasditen e 22 nëntorit, rreth orës 17:37 dhe fatmirësisht nuk ka pasur të lënduar.
Në një video të dërguar nga një qytetar, shihet momenti kur depozita bie pranë një makine të parkuar, por pa i shkaktuar dëme. Për fat të mirë, në atë moment nuk ka pasur lëvizje në trotuar, pasi situata mund të kishte përfunduar me pasoja serioze.
Ky incident ngre shqetësime mbi sigurinë dhe mirëmbajtjen e depozitave të ujit në pallate. Qytetarët apelojnë për më shumë kujdes dhe përgjegjësi nga administratorët e pallateve për të shmangur situata të ngjashme që mund të rrezikojnë jetën dhe pronën e banorëve.