27-vjeçari Anthony Rhodes nga Ohio, SHBA është arrestuar në Elbasan pas një ndjekjeje të gjatë dhe ngjarjeve të pazakonta që përfshijnë vjedhjen e dy automjeteve dhe një përplasje me policinë.
Rhodes, ish-ushtarak, fillimisht ka vjedhur një automjet në Vorë. Me këtë mjet, ai ka shkuar në një pikë karburanti në Yrshek, ku e ka furnizuar, por është larguar pa kryer pagesën.
Për automjetin Volkswagen që shikonu në foto, pronari kërkon ndihmën tuaj për ta gjetur.
Dy ditë më vonë, në rrugën dytësore të autostradës Tiranë-Durrës, 27-vjeçari amerikan, i cili ndodhej si pasagjer në një taksi, ka përfituar nga mungesa e vëmendjes së shoferit dhe ka vjedhur mjetin.
Gjatë ndjekjes nga Policia e Tiranës, Rhodes ka goditur një prej makinave të policisë.
I riu është ndaluar përfundimisht në Elbasan, ku neutralizimi i tij ka qenë sfidues për forcat e rendit për shkak të përgatitjes së tij fizike dhe stërvitjes ushtarake.