Dy peshkatarë kanë vdekur dhe 12 të tjerë janë zhdukur në ishullin Jeju pasi anija e tyre u mbyt në det. Lajmin e njoftoi sot roja bregdetare e Koresë së Jugut. Një anije peshkimi me një ekuipazh prej disa personash lëshoi një telefonatë në orën 04:33, duke thënë se anija u përmbys papritur.
“Hetimet janë duke vazhduar. Ne po bëjmë gjithçka që mundemi”, theksoi roja bregdetare.
Dy marinarë vdiqën në aksident, ata u gjetën pa ndjenja nga rojet bregdetare dhe u dërguan në spital, ku u shpallën të vdekur. Pesëmbëdhjetë u shpëtuan. Presidenti i Koresë së Jugut, Yun Seok-gil bëri thirrje për mobilizimin e të gjitha burimeve në dispozicion dhe personelit në dispozicion për të gjetur të zhdukurit.
Roja bregdetare foli për një ekuipazh prej 27 anëtarësh, 16 koreano-jugorë dhe 11 të huaj. Ajo mobilizoi gjithsej 18 anije dhe pesë avionë si pjesë e operacionit, ndërsa Marina kontribuoi me gjashtë anije të tjera, një avion vëzhgimi ajror dhe një helikopter.
