Sipas trendeve të fundit, javën e ardhshme pritet mot i qëndrueshëm.
Pas vransirave që do të përfshijnë vendin në mes të javës, nga dita e premte do të kemi kushte për më shumë diell.
Megjithatë, në ultësira janë të mundshme mjegullat në orët e mëngjesit, të cilat mund të zgjasin pak më gjatë gjatë ditës.
Temperaturat, edhe pse do të jenë mbi mesataren, pritet të pësojnë një rënie në intervalin 15-18°C në ditët e para të nëntorit.
Më shumë vransira priten nga e diela e ardhshme, gjatë javës së parë të nëntorit, në datat 3 dhe 4. Priten reshje, kryesisht shiu, por disa modele sugjerojnë edhe mundësinë e borës në zonat malore.