Detaje të reja dalin nga krimi tronditës në Itali ku 30-vjeçari shqiptar Luzmil T., ka mbytur bashkëshorten e tij, Eleonor T., në krevatin dopio në dy të fëmijëve të tyre të mitur.
Krimi shokues ndodhi në banesën e tyre në Via Caravaggio mëngjesin e sotëm pas një debati që çifti kanë pasur.
Autori raportohet se merrej me bujqësi, ndërsa 24-vjeçarja nuk punonte. Ka qenë motra e viktimës që ka njoftuar policinë, pasi 30-vjeçari shkoi në shtëpinë e saj pas krimit duke i kërkuar ta shoqëronte në spital.
Por, ajo nuk e besoi dhe thirri dy fëmijët e mitur të çiftit, të moshës 4 dhe 6-vjeç, të cilët i thanë tezes së tyre: “Babi vrau mamin”.
Kur policia mbërriti në vendngjarje, 30-vjeçari ishte duke u endur pranë shtëpisë, në Via Caravaggio dhe më pas është arrestuar.
“Ai ishte në një gjendje konfuze”, raportoi policia.
Nuk dihen ende arsyet që e shtynë shqiptarin të vrasë gruan e tij, por duket se tragjedia ka ndodhur në kulmin e një debati.
Çifti kishte jetuar për ca kohë në via Caravaggio në San Felice a Cancello, një zonë periferike e Italisë.
Klithmat brenda banesës së çifti janë dëgjuar edhe nga fqinjët e tyre.