Një aksident i rëndë ka ndodhur mbrëmjen e sotme në Kuçovë, me pasojë vdekjen e një personi.
49-vjeçari, Albert Mustafallari ka përplasur për vdekje me makinë 50-vjeçarin, Bardhi Daullja. Ky i fundit ishte duke lëvizur me biçikletë kur u përplas nga automjeti.
Mustafallari është shoqëruar në komisariat, ndërsa policia po punon për zbardhjen e shkaqeve të aksidentit.
‘Rreth orës 20:40, në rrugën e Kuçovës, shtetasi A. M., 49 vjeç, banues në Berat, duke drejtuar automjetin, ka aksidentuar me pasojë vdekjen shtetasin B. D., 50 vjeç, i cili ishte duke lëvizur me biçikletë.
Drejtuesi i automjetit është shoqëruar në ambientet e Komisariatit të Policisë Berat për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit’, informon policia vendore.