Në filmat fantastiko-shkencorë si “Frankenstein” dhe “Re-Animator”, trupat e njeriut kthehen në jetë në një gjendje të çuditshme midis jetës dhe vdekjes. Sidoqoftë, një studim i ri sugjeron se një “gjendje e tretë” ekziston në biologjinë moderne, mes këtyre dy ekstremeve.
Studimi, i udhëhequr nga profesorët Peter Noble në Universitetin e Uashingtonit dhe Alex Pozhitkov në Qendrën Mjekësore Kombëtare City of Hope, zbulon se pas vdekjes, qelizat e një organizmi fitojnë aftësi të reja që nuk ishin të pranishme gjatë jetës.
Tradicionalisht, jeta dhe vdekja shihen si të kundërta… Por ne po zbulojmë forma të reja të jetës shumëqelizore nga qelizat e një organizmi të vdekur, që përbëjnë një gjendje të tretë përtej kufijve të zakonshëm.
Studiuesit kanë zbuluar se qelizat e mushkërive të njeriut mund të vetë-montohen në organizma miniaturë shumëqelizorë, të njohur si “antrobotët”. Këta antrobotë janë në gjendje të lëvizin dhe të riparojnë qelizat nervore të dëmtuara përreth.
Megjithatë, mekanizmat që mundësojnë këtë aktivitet pas vdekjes mbeten të paqartë. Një shpjegim i mundshëm është prania e “qarqeve elektrike” që ringjallin qelizat. Faktorët si kushtet mjedisore, temperatura dhe burimet e energjisë mund të ndikojnë në këtë proces.
Ekipi hulumtues thekson se aktiviteti metabolik është kyç për mbijetesën dhe funksionimin e qelizave pas vdekjes. Gjithashtu, faktorë si mosha, shëndeti dhe lloji i specieve ndihmojnë në formësimin e kësaj “peizazhi pas vdekjes”.
Ky hulumtim ka potencialin për të transformuar fushat e mjekësisë rigjeneruese dhe për të ripërcaktuar konceptet e vdekjes ligjore, duke ofruar njohuri për kufijtë fiziologjikë të jetës. Njohuritë e reja nga kjo “gjendje e tretë” mund të na ndihmojnë të kuptojmë më mirë natyrën e jetës dhe vdekjes.