Një mësuese fizkulture ka mbetur e paralizuar pas një incidenti të rëndë teksa po stërvitej në palestër.
Henrietta Paxton, 40 vjeç, nga Salisbury, Wiltshire, mori një lëndim të rëndë pasi shtanga prej 120 kg me të cilën po bënte një ushtrim i ra mbi shpinë.
Paxton, e cila ishte e kishte diçka të zakonshme ngritjen e peshave të rënda, po kryente një ushtrim ‘squat’ kur shtanga i rrëshkiti nga duart dhe e goditi mbi shpinë.
Ajo u dërgua me urgjencë në Spitalin e Përgjithshëm të Southampton, ku mjekët kryen skanime dhe teste dhe i dhanë asaj një lajm tronditës.
Mjekët zbuluan se ajo kishte thyer një pjesë të shtyllës kurrizore dhe kishte dëmtuar palcën kurrizore, duke e lënë të paralizuar nga mesi e poshtë.
“Ishte momenti më i tmerrshëm i jetës sime dhe dhimbja me e madhe që kam përjetuar. Sapo pësova atë goditje të fortë në shpinë, e kuptova menjëherë se diçka shumë e keqe ndodhi”, tha ajo.
Edhe pse mjekët nuk i kanë dhënë shpresa që ajo të ecë përsëri, mësuesja 40-vjeçare është e vendosur të bëjë gjithçka që mundet për të rifituar lëvizjet në këmbët e saj.
Zonja Paxton ende përjeton shumë shqetësime me dhimbjen e shpinës, por po vazhdon seancat e saj të rregullta në palestër ku stërvit pjesën e sipërme të trupit.
Ajo ka patur gjithmonë një pasion për sportin dhe madje ka konkurruar në kërcim me shtyllë në dy ndeshje të Commonwealth para se të tërhiqej në vitin 2017 pas një dëmtimi në gju.
40-vjeçarja shpreson të jetë në gjendje të kthehet në punë në janar për fillimin e sezonit të ri shkollor dhe tha se po mendon të merret me një sport të ri si basketbolli me karrige me rrota ose regbi me karrige me rrota.
