Prej 22 vitesh, William Moldt nga Florida u konsiderua një person i zhdukur, derisa një përdorues i Google Earth rastësisht zbuloi fatin e tij tragjik.
Bëhet fjalë për një përdorues të Google Earth, i cili po shikonte ish-shtëpinë e tij kur vërejti diçka të çuditshme në ‘Moon Bay Circle’ në Wellington, Florida. Zbulimi ndodhi më shumë se dy dekada pasi Moldt ishte zhdukur në vitin 1997.
Moldt ishte në një klub nate atë mbrëmje dhe rreth orës 9:30 i kishte telefonuar të dashurës së tij për t’i thënë se do të kthehej shpejt në shtëpi. Ajo priste që ai të mbërrinte, por në të vërtetë kjo telefonatë ishte hera e fundit që ajo do të fliste me të.
Ai u zhduk papritmas dhe policia nuk arriti ta gjente për vite me radhë.
Në vitin 2019, përdoruesi i Google Earth raportoi atë që dukej të ishte një makinë e zhytur në ujë në Moon Bay Circle. Policia shkoi për të hetuar dhe gjeti se raporti ishte i saktë: kishte një makinë nën ujë.
Kur makina u nxorr nga uji, brenda saj u gjetën mbetje skeletore, të cilat një javë më vonë u provuan që i përkisnin William Moldt.