Një 46-vjeçar ka humbur jetën tragjikisht ditën e sotme në Kukës, pasi është përfshirë në një aksident.
Mësohet se ngjarja ka ndodhur në vendin e quajtur “Ura e Topojanit”, ku makina me të cilën lëvizte viktima ka dalë nga rruga. Si pasojë e përplasjes ka mbetur e dëmtuar dhe vajza e tij e mitur, por fatmirësisht ndodhet jashtë rrezikut për jetën.
Njoftimi i policisë:
Rreth orës 09:20, në vendin e quajtur “Ura e Topojanit”, shtetasi A. I., 46 vjeç, duke drejtuar automjetin tip “Mitsubishi”, dyshohet se ka humbur kontrollin dhe si pasojë automjeti ka dalë nga rruga.
Për shkak të dëmtimeve, shtetasi A. I. ka humbur jetën.
Nga aksidenti është dëmtuar edhe vajza e mitur e shtetasit A. I., pasagjere në automjet, e cila është jashtë rrezikut për jetën.
Grupi hetimor po punon për sqarimin e rrethanave të aksidentit.