Një çift u zgjuan nga një zhurmë e çuditshme që vinte nga shtëpia e tyre, por që në fund mbetën të habitur kur mësuan se në kulmin e pronës së tyre kishte përfunduar një tufë delesh.
Kristen Jackson, 28-vjeçe dhe Daniel Payne, 33, ishin në shtrat kur dëgjuan një tingull të pazakontë që po vinte nga lartë në orët e para të mëngjesit të së premtes, transmeton Telegrafi.
Kur Kristen doli jashtë pronës në Whitworht të Lanchashire të Britanisë së Madhe, mbeti e habitur kur pa delet që kishin arritur të ngjiten në kulmin e shtëpisë.
Ajo arriti të filmojë këtë skenë të pazakontë dhe ta shpërndajë videon në rrjetet sociale.
“Isha duke punuar nga shtëpia kurse partneri e kishte pushim, por u zgjova nga një zhurmë që vinte nga kulmi”, tha Kristen.
“E zgjova partnerin duke e pyetur nëse po dëgjon një zhurmë, ai më tha se me gjasë janë zogjtë”, shtoi britanikja.
Kur doli në oborr, pa se në kulmin e shtëpisë së tyre ishte ngjitur tufa e deleve, për të cilat thotë se nuk e ka idenë se nga erdhën. /Telegrafi/