23-vjeçari shqiptar nga qyteza Shellbi është në paraburgim pasi dyshohet se ka tentuar të rrëmbejë 7-vjeçaren në Amerikë.
Bëhet fjalë për Endi Balën, i cili pritet të gjykohet të enjten pasdite nga Gjykata e Qarkut të qytezës Klinton dhe Gjykata e Qarkut të Sterling Hajtsit.
Oficerët e policisë së Sterling Hajtsit shkuan menjëherë në Clinton River Park North rreth orës 14:20 pasdite në përgjigje të telefonuesit në numrin 911, i cili kallëzoi se po grindeshin dhe se një makinë mund të kishte përplasur një fëmijë.
Kur oficerët e policisë së Sterling Hajtsit mbërritën, u zbulua se Bala kishte tentuar të rrëmbente vajzën. I dyshuari është dërguar menjëherë në paraburgim dhe ngjarja është nën hetim.
Gjithashtu, departamenti i Policisë së Qytetit të Klintonit po heton akuzat kundër Balës pasi dyshohet se ishte i përfshirë në një tentativë rrëmbimi herët pasditen e së martës në zonën e rrugëve të lumit Klintin dhe Hajes.
Sipas një njoftimi për shtyp nga policia e qytetit të Klintonit, në orën 1:30 të pasdites së datës 13 gusht, policia shkoi në po të njëjtin vend pas raportimit se një burrë po përpiqej të fuste me forcë një vajzë në makinë. Pasi mbërritën, mësuan se një vajzë 15-vjeçare po ecte në atë zonë kur Bala e futi me forcë në makinë.
Sipas dëshmitarëve, thuhet se Bala e kapi viktimën nga qafa dhe e futi me forcë në pjesën e pasme të makinës. Një nga dëshmitarët, banor i zonës së Klintonit ndërhyri fizikisht duke ndihmuar viktimën të largohet dhe lajmëroi banorët e tjerë të qytezës që telefonuan numrin 911.
I dyshuari u largua nga vendi i ngjarjes me automjetin e tij të përshkruar si tip sedan i bardhë.
Departamenti i Policisë së Qytetit të Klintonit u njoftua më vonë se një përpjekje e dytë rrëmbimi kishte ndodhur në Sterling Hajts, ku u arrestua.
Bala u akuzua për veprën penale të ndalimit të paligjshëm të mbetur në tentativë, vepër kjo që dënohet me burgim, dhe për sulmim dhe goditje. Do të dënohet me 93 ditë burgim në qytezën e Klintonit. Është akuzuar për veprat penale të rrëmbimit (manipulim fëmije), vepër penale kjo që dënohet me burgim të përjetshëm, për ngarje automjeti në mënyrë të rrezikshme, për kundërvajtje për të cilën dënohet me 93 ditë burg, dhe për sulm dhe goditje.