Ashtu siç lajmërmuam edhe më parë, gjendja e 31-vjeçarit me Morbus Krohn (një sëmundje kronike inflamatore e zorrëve, e cila mund të prekë çdo pjesë të traktit gastrointestinal) sa vjen e rëndohet.
Pasi Urgjenca e Durrësit e përzuri nga spitali, i riu u kthye në shtëpinë e tij, por plaga sa vjen dhe infektohet më tepër.
Ai lutet që dikush ta ndihmojë sa më parë pasi shpresat te kryeministri dhe Ministrja e Shëndetësisë i ka zbehur.
31-vjeçari po dergjet në shtratin e shtëpisë, ndërkohë që shëndetësia falas nuk i siguron mjekimet minimale për sëmundjen e tij.
Shpresojmë që me publikimin e këtij denoncimi i riu të marrë ndihmë mjekësore sa është ende në kohë.