Pronari i lokalit “Stropcka” në Pogradec, Voltan Shkulaku, është vënë në qendër të një skandali të rëndë pas vrasjes së dhunshme të Egli Proga. Sipas dëshmive, Shkulaku ka fshirë pamjet nga kamerat e sigurisë të lokalit të tij pasi Egli u sulmua brenda mjediseve të tij. Ky veprim ka ngritur dyshime të mëdha për përfshirjen e tij në mbulimin e ngjarjes dhe përpjekjet për të manipuluar provat.
Ngjarja ka ndodhur kur Egli u thirr në lokal nga Denis Meçe dhe një grup personash, ku më pas u sulmua fizikisht. Sipas burimeve, dhuna ka ndodhur brenda lokalit dhe më pas Egli është nxjerrë jashtë dhe është lënë aty pa ndihmë. Ajo që ka ngjallur më shumë dyshime është se, pas incidentit, pamjet e kamerave të sigurisë janë fshirë ose hard disku i tyre është marrë, duke lënë vend për spekulime se Shkulaku mund të ketë bashkëpunuar me autorët për të fshehur provat.
Gjithashtu, ka dyshime për një bashkëpunim të mundshëm midis pronarit të lokalit dhe policisë për të manipuluar deklaratat dhe për të devijuar hetimet. Ndërkohë, Voltan Shkulaku është parë duke shëtitur i qetë nëpër Pogradec, ndërsa incidenti vazhdon të ngjallë zemërim dhe shqetësim të madh në komunitet.
Ky rast po ngre pikëpyetje serioze për integritetin e procesit hetimor dhe përfshirjen e mundshme të autoriteteve në mbulimin e ngjarjes. Banorët dhe opinioni publik presin që drejtësia të veprojë me transparencë dhe që të gjitha palët e përfshira të mbahen përgjegjëse për veprimet e tyre.
Në vijim do të gjeni mesazhin e mbërritur në redaksinë e JOQ ALBANIA: