Banorët e Fushë Krujës po përballen me një situatë të re problematike pas izolimit të tyre për shkak të autostradës Thumanë-Kashar.
Kjo autostradë, e cila nuk përfshin asnjë nyje lidhëse me rrugën e vjetër, ka lënë banorët të izoluar dhe pa mundësi lidhjeje me rrugët kryesore.
Por, problemet nuk përfundojnë këtu.
Një biznes privat, “Hotel Europa Park”, ka vendosur një tra në rrugën që kalon para hotelit dhe tarifon qytetarët me 2 euro për kalim.
Trau i vendosur nga ky biznes përbën një tjetër formë izolimi për banorët e Fushë Krujës, që tashmë përballen me vështirësi të mëdha për të mbajtur bizneset e tyre dhe për të pasur akses në shërbimet dhe rrugët kryesore.
Ky problem është shtuar mbi vështirësitë e mëparshme që kanë ardhur nga mungesa e nyjeve lidhëse në autostradë, një projekt që fillimisht parashikonte 4 hyrje-dalje, por që në fund rezultoi pa asnjë dalje apo hyrje, duke shkaktuar protestat e banorëve të zonës.
Autostrada Thumanë-Kashar, e cila do të funksionojë me pagesë, për qytetarët është kthyer në një barrë të rëndë financiare, pasi mungesa e një alternative kalimi i detyron ata të përdorin rrugën me pagesë, ndoshta edhe disa herë në ditë për udhëtimet e tyre të përditshme.
Ndërsa banorët prisnin një zgjidhje, ata tani përballen me këtë taksë të re, e cila vetëm sa i shton telashe dhe izolim komunitetit të tyre.
Denoncimi nr:1
Pershendetje JOQ, Mire qe me autostraden e re privatizuan edhe autostraden e laçit
Por sot kan vendosur ne funksion edhe traun tek Europa Park Duke u marre 2 euro ose 200 lek qytetareve me fatura fiktive
Ju lutem ta publikoni pasi eshte vjedhje e patolerueshme dhe te mbeshteten protestat per hapjen e hyrje-daljes ne thumane.
Nuk eshte rruga e re, Qe te hysh ne autostrade te laçit tani nuk hyn dot më nga thumana dhe menyra e vetme eshte te futesh tek europa park te cilet kane ven nje tra pasi e quajne rruge private
Te gjithe jane te detyruar te kalojne ate nese i bie nga fushe kruja per te hyre ne autostrade te laçit. Me perpara per te hyre ne autostrade te laçit futeshe tek shenja e -Ku po behen protestat nga banoret qe te hapet serish
Tani nese i bie nga fushe kruja duhet te kalosh Fushe Kruje – Borizane – Thumane >> Autostrade e laçit
Tek hyrja ne thumane duhet te kalosh te Europa Park ku kan vene traun dhe japin fatura fiktive. 2€ ose 200 lek
Denoncimi nr:2
Pershendetje Autostrada kur kthehesh eshte e bllokuar Dhe per te dal duhet te kalosh tek nje subjekt qe nuk e di se ca eshte Po ka te shkruar Prone private
Dhe pervec se e ka mbyll Slejon askend te kaloje pa i paguar atij 2 mij leke ose 2 euro Per te dal ne autostrad Ku po bejne autostraden e re Qe eshte e bllokuar
E duhet te futesh neper fshatra Ka vendos tra E nuk lejon makinat te dalin ne austraden e gjithmonshme Pa i bere pagesen
