Hidhet me kokë tek “Syri i Kaltër” pushuesi i plagosur niset me helikopter drejt Tiranës
Një pushues nga Tirana ka mbetur i plagosur pasditen e sotme në pikën turistike tek “Syri i Kaltër”.
28 – vjeçari Ardit Dauti, nga Tirana, i ndodhur me pushime në Sarandë ka preferuar që sot të shkonte në “Syrin e Kaltër”.
Ai është hedhur me kokë nga lartësia në ujërat e burimit të pikës turistike por hedhja ka qenë fatale pasi është goditur në kokë duke çarë kështu skalpin e kokës.
Menjëherë është transportuar drejt urgjencës në spitalin e Sarandës, pas ndihmës së parë, sipas bluzave të bardha për shkak të dëmtimeve në kokë është nisur me helikopter për mjekim më të specializuar drejt Spitalit të Traumës në Tiranë.