Lufta në Gaza vijon të marrë jetë të pafajshme, teksa Izraeli vijon sulmet ndaj Palestinës. Mediat e huaja raportojnë se dy binjakë vetëm 4 ditësh kanë ndërruar jetë së bashku me nënën e tyre, pas sulmi më të fundit
Raportohet se vajza dhe djali i Mohammed Abu al Qumsan, Asser dhe Ayssel, lindën gjatë fundjavës dhe ishin vetëm katër ditësh kur u vranë në sulmin në shtëpinë e tyre pranë qytetit qendror të Deir al-Balah.
Bashkëshortja e tij, Joumana Arafa, një farmaciste, kishte lindur me prerje cezariane dhe kishte njoftuar ardhjen e binjakëve në Facebook . Ajo dhe nëna e saj, vjehrra e Abu al Kumsan, u vranë gjithashtu në sulmin ajror.
Vetë Abu al Kumsan kishte shkuar për të regjistruar fëmijët e tij në një zyrë të qeverisë lokale. Ndërsa ai ishte atje, fqinjët e thirrën për të thënë se shtëpia ku ai ishte strehuar me familjen e tij ishte bombarduar.
“Nuk e di se çfarë ka ndodhur. Më kanë thënë se ishte një predhë që goditi shtëpinë.”- tha ai pas ngjarjes.
Pamjet tregojnë se babai po ngushëllohej nga të tjerët në spital, teksa mban në lot certifikatat e lindjes së binjakëve.
Abu al Kumsani dhe gruaja e tij kishin dëgjuar urdhrat për të evakuuar qytetin e Gazës në javët e para të luftës dhe shkuan më në jug, ku kërkuan strehim në Gazën qendrore, siç kishte udhëzuar ushtria.
Më shumë se 10 muaj nga lufta e tij me Hamasin, bombardimet e Izraelit në territorin e izoluar kanë zhdukur familje e kanë lënë prindërit pa fëmijë dhe fëmijët pa prindër, vëllezër e motra.