Një 17-vjeçar që i përket komunitetit rom është arrestuar nga Policia e Korçës pasi dyshohet se ka kryer marrëdhënie seksuale me një 13-vjeçare.
Ka qenë mamaja e vajzës ajo që ka bërë denoncim në polici për vajzën e larguar nga shtëpia. Pas hetimeve dhe kërkimeve të kryera, policia ka gjetur vajzën 13-vjeçare nën shoqërinë e 17-vjeçarit, të cilët kanë pranuar se janë larguar së bashku dhe gjithashtu e kanë kryer marrëdhënien seksuale, me dëshirën e të dyja palëve.
Për shkak të moshës së vajzës, policia nuk ka marrë në konsideratë deklarimet e tyre, por ka kryer ndalimin me iniciativë të 17-vjeçarit me inicialet F. T. ndërsa Prokuroria e Korçës ka nisur hetimet për ngjarjen. Pas kallëzimit, uniformat blu kanë nisur hetimet dhe ditën e sotme kanë ndaluar 17-vjeçarin, me akuzën “Marrëdhënie seksuale me të mitur”.
Njoftimi i Policisë
“Shërbimet e Komisariatit të Policisë Korçë ndaluan me iniciativë një 17-vjeçar, për veprën penale ‘Marrëdhënie seksuale ose homoseksuale me të mitur’, pasi dyshohet se ka kryer marrëdhënie seksuale me një 13-vjeçare”.