DASHI
Jeta juaj do jetë shumë më e kënaqshme sot. Do jeni më zemërhapur dhe të gatshëm për të negociuar për çdo gjë. Ju që keni një lidhje mos kërkoni që partneri t’ua plotësojë të gjitha dëshirat sepse kjo është vërtet e pamundur. Merrini gjërat më lehtë dhe ngjitini shkallët një nga një. Venusi do favorizojë takimet për ju beqarët. Ka shumë gjasa që personat të jenë pasionantë dhe t’iu bëjnë të ndiheni mirë që në fillim. Shëndeti është i mirë, por mos e neglizhoni rëndësinë e pak pushimit për të mbajtur nivelin tuaj të lartë të energjisë. Në punë mund të ndiheni të pavendosur për vendime të rëndësishme; kërkoni këshilla nëse është e nevojshme. Mos harroni, durimi është një virtyt dhe çdo hap i vogël përpara ka rëndësi. Vazhdoni të punoni me veten dhe gjërat do të përmirësohen. Financat do jenë më të mira sesa ju mendonit. Do merrni edhe disa para nga një trashëgimi.
DEMI
Hëna do ju bëjë të mos i duroni dot padrejtësitë sot dhe do kërkoni me çdo kusht drejtësi. Nëse keni një lidhje pasioni do të rindizet në momentin më të papritur. Partneri juaj do jetë i gatshëm t’ua plotësojë të gjitha dëshirat vetëm e vetëm që ju të ndiheni sa më mirë. Nëse jeni beqarë, do të vini re një rritje të besimit tuaj, e dobishme për të kapërcyer çdo pengesë. Shmangni angazhimet që janë të vështira për t’u përmbushur dhe përpiquni të jetoni sa më thjesht. Shëndeti është i qëndrueshëm, por është një kohë e mirë për të filluar një rutinë të re ushtrimesh. Sipas Horoskopit vip, në punë do inatoseni në disa momente sepse disa kolegë padrejtësisht do vlerësohen më shumë se ju. Kujdes me zërin dhe gjeni mënyrën për të folur me shefat. Kujdes edhe me shpenzimet e tejskajshme. Mos harxhoni shumë sepse do ngeleni me xhepat bosh dhe s’ka kush t’iu ndihmojë.
BINJAKËT
Ka mundësi që sot të merrni një vendim shumë të rëndësishëm. Nuk do ju mungojë asnjë moment siguria tek vetja. Nëse jeni në një lidhje do keni surpriza të këndshme. Partneri mund të ketë menduar edhe për një udhëtim të bukur në një vend që ju e keni ëndërruar gjithmonë. Ju beqarët do keni takime dhe aventura të shumta. Përfitoni sepse do iu bëjnë të ndiheni mjaft mirë. Shëndeti është i fortë, por pak më shumë aktivitet fizik nuk do të dëmtonte. Në punë do jeni kritikë edhe ndaj vetes dhe kjo do ju ndihmojë për performanca edhe më të mira. Shprehuni pa dorashka për çdo gjë dhe do vlerësoheni. Në planin financiar nuk do keni për çfarë të qaheni sepse situata do jetë më e normalizuar. Kujdes vetëm me blerjet e kushtueshme.
GAFORRJA
Për të mos bërë gabime sot nuk duhet të ndiqni instinktet, por duhet t’i peshoni gjërat mirë. Marrëdhënia juaj me partnerin do bazohet tek sinqeriteti. Secili prej jush do respektojë tjetrin dhe mendimet e tij. Nuk do jeni më një çift tradicional, por do tentoni të provoni edhe gjëra të reja e të veçanta. Nëse jeni beqarë do e kuptoni se e keni shfrytëzuar maksimalisht lirinë dhe do mendoni të gjeni dashurinë e jetës suaj. Gjatë kësaj dite ka shumë gjasa që të takoni personin e duhur. Shëndeti juaj kërkon vëmendje, veçanërisht në lidhje me stresin. Këshilla e ditës është të gjeni kohë për veten tuaj, të relaksoheni dhe të rimbusheni. Në punë do ju ndryshoje herë pas here humori dhe mund të bëni edhe ndonjë gabim të vogël. Gjithsesi gjitha arritjet që keni pasur më parë do bëjnë që shefat të mos ju kritikojnë. Financat do të përmirësohen falë hyrjes së papritur të disa të ardhurave.
LUANI
Vendosmëria do jetë e nevojshme për të arritur ambiciet që i keni vënë vetes. Herë pas here duhet të bëni edhe disa lëshime. Merkuri do krijoje kushtet e përshtatshme për ju të dashuruarit bë mënyrë që të kaloni momente të lumtura në praninë e partnerit. Shfrytëzojeni çdo moment deri në maksimum dhe tregohuni më tolerantë. Neptuni në një aspekt të favorshëm do të mbështesë përpjekjet tuaja. Nëse jeni beqarë, do të keni fat në fushën e ndjenjave , pa e ditur fare. Dikush do t’ju dojë sinqerisht, por ju nuk do ta kuptoni nëse nuk e shqyrtoni me kujdes situatën. Shëndeti është i mirë, por jepini vetes momente relaksi për të shmangur mbingarkesën mendore. Në punë do jetë Saturni që do ju bëjë më të logjikshëm dhe do ju bëjë të gatshëm edhe për sakrifica për t’ia dalë mbanë. Do qëndroni edhe orë shtesë pa asnjë përfitim ngaqë çdo gjë do e bëni me dëshirë. Intuita nuk do iu çojë në rrugë të gabuar në planin financiar. Bëni vetëm kujdes me marrjet e huave.
VIRGJËRESHA
Dita e sotme do jetë e përshtatshme për të shprehur ide të reja që do ua ndryshojnë jetën. Venusi premton çaste të gëzuara për ju të dashuruarit. Aspiratat e zemrës suaj do të arrihen dhe do ndiheni për mrekulli. Nëse jeni beqarë, ndikimi djallëzor i Mërkurit do t’ju bëjë të humbni qëndrimin tuaj. Ka të ngjarë të bëni shumë gafa dhe nismat tuaja më të guximshme do të dështojnë. Këshilla e ditës është të kërkoni bukurinë në gjithçka dhe të kultivoni marrëdhënie që ju pasurojnë emocionalisht. Për punën do jeni shumë të përkushtuar dhe të gjithë do ju vlerësojnë, Nëse punoni në sektorin ekonomik apo atë social do jeni më të privilegjuar. Neptuni do iu sjellë shumë fat me financat. Gjithsesi mirë është mos ndërmerrni rreziqe të tepruara dhe mos bëni shpenzime të pamenduara.
PESHORJA
Planetët do ju bëjnë më të duruar dhe më të qartë në mendime gjatë kësaj dite. Do i bëni gjërat me strategji dhe do arrini qëllimet. Nëse keni një lidhje, largoni sa më parë rutinën nëse nuk doni që lidhje juaj të marrë tatëpjetën. Mundohuni me sa të mundni të provoni dhe të eksperimentoni gjëra të reja. Nëse jeni beqarë , Afërdita do të jetë një planet veçanërisht dashamirës. Do të inkurajojë dashuri dhe miqësi të reja, si dhe takime të papritura, të gjitha në emër të risisë. Sipas Horoskopit vip, në punë, vëndi aktual do kërkojë një formim më të mirë. Përfitoni nga çdo mundësi që do iu jepet sepse fatin do e keni pas vetes. Për sa iu përket financave do e menaxhoni me shumë kujdes buxhetin dhe nuk do bëni shpenzime marramendëse.
AKREPI
Më në fund do ju dalë koha të bëni çdo gjë që dëshironi gjatë kësaj dite. Mund të bëni edhe zgjedhje delikate për të cilat do ju dhënë pak shpirti. Gjithsesi do jetë gjëja më e mirë. Ju të dashuruarit, edhe pse nuk do jeni shumë në qejf përsëri do mundoheni të ruani një klimë harmonike. Nëse jeni beqarë nuk do mund t’i rezistoni dot sharmit të personave që do takoni. Përfitoni nga kjo mundësi që do iu jepet sepse ata persona në të vërtetë vlejnë shumë. Jeta profesionale do ecë me ritme më të ngadalta megjithatë po patët durim gjërat do ju ecin mirë. Informacionet që do iu japin kolegët vërtetojini para se të reagoni. Në planin financiar do iu duhet të merrni disa para hua sepse situata nuk do jetë e favorshme.
SHIGJETARI
Do jeni shumë të ndjeshëm ndaj vlerave thelbësore gjatë kësaj dite, ndaj komunikimit dhe do jeni më të hapur ndaj dialogut. Nëse jeni në një lidhje nga njëra anë do doni qëndrueshmëri në jetën tuaj dhe nga ana tjetër do tundoheni nga aventurat kalimtare. Kujdes mos tentoni sepse do hidhni poshtë gjithçka që keni arritur deri më sot. Ju beqarët do jeni sharmante dhe do e keni të lehtë të bëni për vete shumë persona. Në punë do dini si të manovroni në çdo moment dhe keni për të arritur atje ku dëshironi. Do jeni pak individualistë, por do arrini më lart nga sa doni. Për sa i përket planit financiar, ka shumë mundësi të vendosni ekuilibër duke bërë kujdes me shpenzimet.
BRICJAPI
Hëna do jetë mbrojtësja juaj gjatë kësaj dite dhe do ju bëjë edhe shumë më të duruar nga më parë. Jeta juaj sentimentale do jetë shumë e këndshme. Do jeni të sigurt për atë që doni dhe do e arrini pa u sforcuar shumë. Nëse jeni beqarë këtë herë nuk do ju tërheqin fare qëndrimet e një nate dhe do dëshironi të gjeni personin që mund të ndërtojë një shtëpi me ju. Personi që takoni gjatë kësaj dite mund të jetë partneri i ëndrrave tuaja. Në punë intuita nuk do ju lërë të gaboni dhe do keni një kujtesë të shkëlqyer. Më në fund do mund të zgjidhni edhe çështjet më të ndërlikuara. Ditë e vështirë për sa iu përket financave. Mos bëni investime të mëdha sepse do ngeleni pa asnjë lek. Kërkoni ndihmën e familjarëve nëse do iu duhet.
UJORI
Gjatë kësaj dite nuk do ju mungojë origjinaliteti dhe me pak mund do arrini t’iu gjeni zgjidhje edhe çështjeve më të ndërlikuara. Nëse keni tashmë një lidhje nuk duhet të tentoni për aventura. Kënaquni me atë që keni në krah sepse në të vërtetë ai iu do jashtë mase. Ju beqarët do jeni shumë të favorizuar në planin sentimental. Mund të ndodhe edhe ndonjë dashuri me shikim të parë dhe emocionet do jenë pafund. Këshilla e ditës është të ndiqni vizionin tuaj unik dhe mos kini frikë të dalloheni nga të tjerët. Në punë yjet do ju ndihmojnë të zgjidhni rrugën e duhur. Intuita nuk do ju gabojë asnjë moment dhe guximi do shtohet sidomos pas mesdite. Saturni do iu mbështesë në planin financiar dhe buxheti do përmirësohet. Më në fund do bëni edhe ndonjë shpenzim më tepër.
PESHQIT
Sot nuk do jeni më individualistë se më parë dhe do doni t’i dëgjoni me më shumë vëmendje ata që ju rrethojnë. Nëse jeni në një lidhje do vazhdoni jetën tuaj shumë qetësisht dhe do ndiheni mjaft mirë. Tregohuni sa më të hapur me partnerin. Ju beqarët që deri më sot e keni vuajtur këtë status do keni ndryshime. Ka shumë mundësi të keni një takim premtues dhe të papritur. Këshilla për ju është të dëgjoni intuitën tuaj dhe t’i përkushtoheni asaj që ju bën të ndiheni të përmbushur. Në punë nuk do jeni të lehtë për t’u kënaqur dhe do keni teka me shumicë. Mos kërkoni që të gjithë të bëjnë atë që thoni ju sepse nuk do fitoni asgjë. Hëna do influencojë sektorin e financave. Pritet që situata të fillojë të stabilizohet dhe të keni mundësi të hiqni disa lek mënjanë.