Views: 0
Një qytetar nga Tirana ka ngritur një denoncim të ashpër lidhur me përvojën e tij në institucionet shëndetësore publike.
Ai tregon se është sorollatur mes disa qendrave shëndetësore, pa marrë ndihmën e duhur, pavarësisht gjendjes së tij shëndetësore kritike.
“Pershendetje JOQ, jam një banor i Tiranës. Isha tani te QSUT, Infektivi, për të bërë një gjilpërë dhe nuk ma bënë. Më thanë nuk jemi ne për këtë punë.
Unë shkova te urgjenca e lagjes dhe më thanë shko te Infektivi se ata e bëjnë se ne nuk kemi kompetenca ta bëjmë. Shkova te Infektivi, ajo thotë shko te lagjja.
Po na sorollasin me këtë vapë se përtrojnë të bëjnë një gjilpërë. Unë jam me temperaturë 40. U detyrova dhe shkova e bëra në klinikë private”, denoncon qytetari.
Sipas qytetarit, pavarësisht gjendjes së tij me temperaturë të lartë, ai është sorollatur mes QSUT-së dhe urgjencës së lagjes, pa marrë trajtimin e nevojshëm.
Kjo situatë e ka detyruar atë të kërkojë ndihmë në një klinikë private, duke paguar për një shërbim që duhet të ishte ofruar nga institucionet publike.