Views: 0
Qeveria ka vendosur të reduktojë orarin e punës së administratës, për shkak të temperaturave të larta në vend.
Duke nisur nga kjo javë dhe paraprakisht deri edhe në gusht, orari i administratës publike do të reduktohet me disa orë.
Qeveria ka vendosur që nga e hëna në të enjte, orari të jetë nga ora 09.30 e mëngjesit deri në 15.30.
Kurse ditën e premte nga ora 09.30 deri në ora 13.00.
Kështu do të ketë një reduktim me 2.5 orë në ditë më pak në punë për administratën publike, raporton noa.al.
Vendimi pritet të shpallet nesër pas mbledhjes së përjavshme të Këshillit të Ministrave.
Vendi ynë dhe rajoni është pushtuar nga temperaturat e larta, deri në 45 gradë celcius në disa raste, ndërsa pritet që vala e të nxehtit të vijojë edhe përgjatë kësaj jave, duke arritur pikun të premten.