Një episod i pakëndshëm ka ndodhur në Sarandë, rrëfyer për JOQ nga pronari i një apartamenti, pasi një grup turistësh zgjodhën të qëndronin në dhomën e tij me një çmim prej 20 eurosh për natë dhe më pas ikën pa paguar.
Sipas pronarit të apartamentit, turistët qëndruan një natë më shumë nga sa kishin rezervuar fillimisht dhe refuzuan të paguanin për këtë natë shtesë.
“Përshëndetje JOQ. Këta janë turistët që vijnë në Sarandë me 20€ apartamenti dhe ikin pa paguar. Ndejtën një natë më shumë nga ç’ka kishin rezervuar dhe s’paguan”,-denoncon pronari.
Ky veprim ka shkaktuar indinjatë te pronari dhe ka nxitur një thirrje për kujdes nga ana e bizneseve të vogla në qytetin bregdetar. Në një deklaratë të bërë për JOQ, ai ka ndarë shqetësimin e tij dhe ka kërkuar ndihmë për të parandaluar incidente të ngjashme në të ardhmen.
Ky rast është një tjetër shembull i vështirësive me të cilat përballen pronarët e apartamenteve dhe bizneseve të vogla në sektorin e turizmit, sidomos gjatë sezonit të verës kur fluksi i turistëve është në kulm.