Views: 0
Një grup hajdutësh shqiptarë, mes tyre babë e bir, udhëtuan nga Laçi në Angli për të grabitur 33 shtëpi në harkun e 4 muajve.
Hetuesit kanë zbuluar se familja shqiptare përdori një shkallë për të hyrë në shtëpinë e Raheem Sterling dhe për të vjedhur orët Rolex dhe sende të tjera me vlerë më shumë se 300,000 £.
Banda shënjestroi shtëpitë e futbollistëve të pasur në të gjithë Surrey, Essex, Kent dhe Hertfordshire, njëra prej të cilave i përkiste lojtarit të Chelsea.
Ata hynë në shtëpinë e Sterlingut ndërsa ai ishte jashtë vendit duke luajtur për Anglinë në Kupën e Botës në Katar, përmes kopshtit të pasmë dhe përdorën një shkallë për t’u ngjitur në dhomën e gjumit të lojtarit ku vodhën 10 nga orët e tij luksoze Rolex. Ish-anësori i Liverpool dhe Manchester City u detyrua të kthehej në shtëpi dhe humbi një ndeshje vendimtare në botëror.
Emiliano Krosi, 24 vjeçari i cili ka pranuar se është përfshirë në 15 vjedhje me vlerë të lartë, mohon të jetë i përfshirë në 33 veprat për të cilat është akuzuar.
Gjykatësit thanë se anëtarët e tjerë të bandës, përfshirë babain dhe kushëririn e Krosit, ishin larguar nga Mbretëria e Bashkuar duke lënë të afërmin e tyre të përballej me akuzat.
Gerrard Kalaja, Henri Osmani dhe Alfred Isufi, të cilët ishin gjithashtu të implikuar në vjedhjet, dyshohet se janë larguar nga vendi.
Në disa nga pronat e grabitura, u gjetën prova të ADN-së të Kalajës, kushëririt të Krosit dhe Isufit, babait të tij.